(Feliz?) Día da Constitución

Hoxe hai 36 anos, os españois aprobaron por ampla maioría a Constitución de 1978 que, con pequenas modificacións, segue vixente.

36 anos despois, a continuidade da mesma Carta Magna está en cuestión. O certo é que do censo actual calcúlase que máis do 45% non puido votar no anterior referendo constitucional, unha cifra que podería modificar moito os resultados.

Outro dato innegable é que todos os partidos, tanto nacionalistas como estatais, con representación no Congreso (máis Podemos), son partidarios de reformar a Constitución agás o PP. A negativa rotunda do Goberno a modificar a “Lei de Leis” enfada á inmensa maioría da oposición e a boa parte da cidadanía.

Dende Electomanía queremos saber a túa opinión. É necesaria unha reforma da Carta Magna? Que profundidade debe ser? En que consistiría a túa “rexeneración democrática”? E a súa nova estrutura territorial? ¿Promoverías a reforma electoral? Proclamarías o Estado Laico? Que pasaría co Senado? E co actual e polémico artigo 135?