Luxemburgo: os demócratas cristiáns poderían recuperar o goberno.

O Partido Social Cristián (CSV), que gobernou 65 dos últimos 75 anos, podería volver ao poder do que foi desaloxado en 2013 por unha alianza entre os socialdemócratas (LSAP), os liberais do Partido Demócrata (DP) e os ecoloxistas Déi Gréng (DG). Para gobernar a CSV habería que pactar coa ADR conservadora, que tamén sobe con respecto ás eleccións de 2013, ao igual que sobe Déi Lénk (DL).

Os 60 deputados da Cámara son elixidos en 4 circunscricións (9 no Norte, 7 no Leste, 21 no Centro e 23 no Sur) polo método de cotas Hagenbach-Bischoff.

Enquisa de Sonndesfro Xuño, 4 meses antes das eleccións previstas para o 14 de outubro.

Os partidos que lideran o goberno sofren fortes baixadas: LSAP perde 4 e DP 3. O socio junior, DG, sobe 1. Con isto o goberno perde a maioría absoluta en sumar 26 deputados dun total de 60. Pola súa banda, CSV aumenta 3 e o seu potencial socio ADR 2, chegando así a 31 escanos, maioría absoluta.