O Goberno decreta a paralización de dúas semanas da actividade non imprescindible

Pedro Sánchez vén de anunciar en comparecencia pública que o Goberno de España aprobará mañá nun Consello de Ministros extraordinario un peche de dúas semanas de todas as actividades non esenciais en España.

O presidente, que comezou a súa intervención con unha convocatoria pública á Unión Europea para establecer mecanismos de axuda económica para os países afectados, cunha mensaxe moi dura na que afirmou que “Europa está a arriscarlo”, continuou afirmando que os expertos científicos recomendan evitar ao máximo saír de casa nos próximos días.

Sánchez confirmouno Mañá aprobarase un permiso retribuído recuperable de dúas semanas no que os traballadores percibirán o seu salario coma se estivesen traballando, e tras o cal deberán recuperar paulatinamente as horas perdidas nas súas empresas.

O obxectivo é baixar a curva antes de Semana Santa, paralizando as actividades non imprescindibles, que probablemente se coñecerán nas próximas horas. Con isto preténdese aliviar a carga dos centros de saúde e non sobrecargar máis as UCI.

No tempo de preguntas, Sánchez aclarouno O permiso sería efectivo durante 8 días, xa que as vacacións de Semana Santa contribuirían a amplialo ata dúas semanas. Indicou que de acordo cos sindicatos e a patronal, os traballadores recuperarán o seu tempo de traballo ata o 31 de decembro.