Leonor e Sofía participarán nunha campaña de loita contra o cambio climático

A Princesa Leonor e a Infanta Sofía participarán o vindeiro mércores, 14 de xullo, na clausura da campaña #UnÁrbolporEuropa de apoio á loita contra o cambio climático. Estarán acompañados por 35 mozos de distintas nacionalidades da Unión Europea.

Este evento coorganizado pola Oficina do Parlamento Europeo en España e a Casa Real, Consistirá na plantación de seis árbores no espazo natural protexido de Hayedo de Montejo (Madrid), segundo un comunicado de prensa do Parlamento Europeo.

A campaña #OneTreeforEurope xorde da iniciativa da asociación xuvenil Team Europe tras a convocatoria do presidente do Parlamento Europeo, David Sassoli, en agosto de 2019, na que pedía aos alcaldes de toda Europa que plantasen polo menos unha árbore nos seus concellos para axudar preservar o noso planeta.

A loita contra o cambio climático é unha das prioridades da Unión Europea, que se marcou coa aprobación do denominado Pacto Verde Europeo como un dos principais fitos desta lexislatura, e no que coincide o compromiso da Familia Real coas cuestións ambientais.

Artigo elaborado por EM a partir dun teletipo