Feijoo presenta o seu novo logotipo “Galicia” minimizando as siglas do PP | Carmena podería cambiar a Errejón... por Pedro Sánchez

Este sábado apareceron dúas informacións relacionadas coa actualidade política do noso país, moi diferentes, que están a facer moito falar.

Por unha banda, O PP de Galicia presentou unha renovación da súa imaxe partido como paso previo ás autonómicas de 2020. Nesta nova identidade, a palabra “Galicia” cobra protagonismo. deixando as siglas do PP relegadas á esquina superior dereita, nun tamaño de letra moito menor.

Non é a primeira vez que o presidente da Xunta “foxe” das siglas populares. Xa nas anteriores eleccións utilizou o seu nome como emblema en lugar do logotipo do partido, nun intento de desvincular o PP galego da central.

Por outra banda, mentres os medios reflexionan sobre a decisión de Errejón sobre se acudirá ou non ás eleccións xerais do 10N, varias fontes apuntan que Manuela Carmena teríase reunido nas últimas semanas con sectores do PSOE, que estaría interesada en saber se a exalcaldesa de Madrid podería aceptar ser ministra dun Goberno socialista ou, se non lle gustaba esta opción, defensora do pobo.

Así, Non parece confirmado que Manuela vaia apoiar a formación de Errejón como fixo na campaña autonómica do pasado mes de xuño, e dependendo da decisión que tome, incluso podería pasar ao bando socialista (ou non apoiar directamente a ningún candidato).