Francia: o FN chega ás eleccións rexionais liderando as enquisas.

A catro días das eleccións rexionais francesas, as urnas comezan a achegarse nas súas previsións.

As últimas enquisas (Opinion Way, TNS Sofres, Ipsos, Ifop e Harris Interactive) reflicten os seguintes resultados:

• FN: 28 % - 30 %
• DLF: 3 % - 5 %
• LR-UDI-MoDem: 27 % - 29 %
• PS-PRG: 22 % - 24 %
• EELV: 6 % – 9 %
• GFR: 3 % - 6 %

Todos eles asumen a vitoria do FN na Primeira Volta, agás o Ifop, que augura un empate entre FN e LR en primeira posición.

As maiores diferenzas entre as enquisas danse nos resultados dos ecoloxistas EELV e da esquerda FG. Débese a que nalgunhas rexións comparten candidatura e os seus votos están asignados dun xeito ou doutro. A suma de ambas as partes en todas as enquisas está entre o 11% e o 13%.

Con respecto aos barómetros anteriores destas enquisas, obsérvase un crecemento da FN (de 1 a 4 puntos), que podería estar motivado pola reacción aos atentados de París. O resto de partidos experimentan evolucións máis contraditorias e sempre moi pequenas.

E con respecto ás anteriores eleccións, de 2010, o cambio é máis que salientable:

• Extrema dereita: subiría uns 18 puntos, case triplicando os resultados.
• Dereita: lixeira subida, sobre todo por DLF.
• Centro-esquerda: baixaría uns 6 puntos, e podería pasar da primeira á terceira posición.
• Esquerda: perdería 6 puntos, 1 de cada 3 votantes, sobre todo pola parte ecoloxista.
• Extrema esquerda (LO, NPA): afunden ata case desaparecer, pasando do 3,4% ao 1% das enquisas.