Puigdemont e Comín recollen a súa acreditación como eurodeputados

Actualización, 12:20 p.m.

Puigdemont e Comí veñen de recoller a súa acreditación como eurodeputados.

Venres 20 de decembro, 9:10 h.

A petición do Parlamento Europeo considérase que a euroorde que pesou contra Puigdemont e Comín pode ter decaído automaticamente tras a resolución ditada onte polo Tribunal de Xustiza de Luxemburgo.

Por iso, onte o presidente da cámara, David Sassoli, afirmou: "Pídolle ás autoridades españolas competentes que cumpran coa sentenza e ordeno aos servizos do Parlamento que avalíen as consecuencias sobre a composición da Cámara Europea".

Dado o silencio que manteñen as autoridades españolas sobre os efectos concretos da sentenza, e de que, polo momento, non se solicitou ningunha suspensión da toma de posesión nin se adoptou ningunha outra medida por parte do goberno español, nin para facilitar ou opoñerse aos pasos inminentes que vai dar o Parlamento Europeo, comeza a dar por feito que Os servizos xurídicos da institución poden dar vía libre á admisión como parlamentarios do expresidente e do ex-conselleiro en cuestión de días ou mesmo de horas.